Fréttir

Mímir fer í sumarleyfi þann 6. júlí nk og opnar aftur 27. júlí kl. 8.30.

Myndasafn frá útskrift Mímis 19. júní 2020 Myndir: Heiða Dís Bjarnadóttir, Stúdíódís

„Þekking á sér engin landamæri. Við þurfum sífellt að tileinka okkur ný vinnubrögð og búa okkur undir nýja tækni og nýja siði. Á nýyfirstaðinni vorönn tók starfsemi Mímis og skólastarf miklum breytingum á skömmum tíma í kjölfar samkomubanns vegna Covid-19,“ sagði Sólveig Hildur Björnsdóttir, framkvæmdastjóri Mímis, þegar hún ávarpaði nemendur og aðra viðstadda við útskrift Mímis sem fram fór við hátíðlega athöfn í Grafarvogskirkju þann 19. júní þar sem 104 nemendur útskrifuðust.

Mímir í samstarfi við heilbrigðisráðuneytið og stéttarfélagið Eflingu býður fólki í atvinnuleit upp á fagnámskeið í umönnun í haust. Nýmæli er að opna námskeið sem þessi fyrir fólk sem er án atvinnu en margir hafa misst vinnuna að undanförnu vegna COVID-19 og eru vonir bundnar við að fólk úr þeim hópi kunni að sjá í þessu tækifæri til að breyta um starfsvettvang.

Starfsfólk Mímis gerði sér glaðan dag á föstudaginn og fékk góðan gest í heimsókn.

Ljóst er að Mímir, ásamt öðrum símenntunarmiðstöðvum um land allt, mun skipa mikilvægan sess á næstu misserum við að styðja þá fjölmörgu sem misst hafa atvinnu á undanförnum mánuðum.

Lokað verður hjá Mími föstudaginn 5. júní frá kl. 11. Kennt verður samkvæmt stundaskrá.

Jóhanna Steinunn Snorradóttir hefur verið ráðin í starf bókara hjá Mími.

„Góðum árangri Mímis er fyrst og fremst öflugu og metnaðarfullu starfsfólki að þakka, sem og okkar traustu kennurum og nemendum“, segir Sólveig Hildur Björnsdóttir, framkvæmdastjóri Mímis í ársskýrslu félagsins 2019 sem hún kynnti á aðalfundi félagsins sem haldinn var með rafrænum hætti miðvikudaginn 27. maí.

Skólahald hjá Mími heldur áfram með óbreyttum hætti enda þótt heilbrigðisráðherra hafi boðað slökun á samkomubanni með því að leyfa að hámarki 50 einstaklingum að vera í sama rými eftir 4. maí.