Ráðgjöf og þjónusta

Hvað er í boði?

Mímir veitir fyrirtækjum þjónustu og ráðgjöf um allt sem snýr að því að efla mannauð sinn með árangur að leiðarljósi. Við leggjum áherslu á einfaldar leiðir sem stuðla að árangri í rekstri og aukinni starfsánægju. Þjónustan byggir á gildum Mímis; fagmennsku, framsækni og samvinnu. Hér má skoða upplýsingabækling um fyrirtækjaþjónustuna.

Áhersla er lögð á að styðja stjórnendur við þarfagreiningar fyrir fræðslu, stefnumörkun og uppbyggingu mannauðs í takt við stefnu fyrirtækisins með fræðslu að leiðarljósi.

Við bjóðum meðal annars upp á:

Þarfagreiningar fyrir fræðslu, hvort sem er fyrir fyrirtækið í heild sinni eða einstakar deildir/svið.
Náms- og starfsráðgjöf fyrir starfsfólk. Mímir býður upp á náms- og starfsráðgjöf á vinnustöðum, starfsmönnum og fyrirtækjum að kostnaðarlausu.
Fjölbreytt námsframboð. Mímir býður námskeið fyrir fyrirtæki og einstaklinga þar sem þarfir hvers og eins eru hafðar að leiðarljósi.
Aðstoð við innleiðingu á rafrænni fræðslu. Sérfræðingur frá Mími aðstoðar stjórnendur við að gera innanhúss fræðslu rafræna þannig að starfsmenn geti sótt sér þekkingu utan eða innan vinnutíma og hver fyrir sig.

Styrkir í boði

Fyrirtæki sem greiða iðgjald í starfsmenntasjóði/-setur geta sótt um styrki til starfsmenntunar fyrir starfsmenn sína eða vegna námskeiða sem starfsmenn sækja sem vilja sækja um endurgreiðslu vegna fræðslu. Upphæð styrkja fer eftir stéttarfélagsaðild starfsmanna. Reglur sjóðanna eru mismunandi, eins og sjá má á vefgáttinni Áttin (attin.is).

Sjóðir veita styrki m.a. til að niðurgreiða námskeið, greina fræðsluþarfir hjá fyrirtæki og/eða hæfnigreina störf.

Auk þessa geta starfsmenn sjálfir sótt um einstaklingsstyrki hjá flestum sjóðum.