Menntastoðir
Taktu upp þráðinn hjá okkur!
Menntastoðir er vinsæl námsbraut sem hefur veitt fjölda fólks ný tækifæri í námi og er góður undirbúningur fyrir áframhaldandi nám. Eftir útskrift úr Menntastoðum er hægt að sækja um í undirbúningsdeildum háskólanna; Bifröst, HR og Keili eða starfs-, iðn- og tækninám.
Kynntu þér þá möguleika sem eru í boði:
Menntastoðir staðnám
Boðið er upp á að taka staðnámið á einni eða tveimur önnum.
Í staðnámi er kennt frá 8:35-15:30 alla virka daga í Mími, Höfðabakka 9, 110 Reykjavík.
Fjarnám
Nemendur ljúka námi á tveimur önnum. Námið er fimm lotur og eru kenndar tvær námsgreinar samhliða í hverri lotu. Að auki eru tvær námsgreinar sem hvor um sig eru kenndar á einni önn. Námstækni er kennd á fyrri önn og Yndislestur á þeirri seinni.
Sjá meira
Námsgreinar
Smellið á námsgreinar til að fá nánari upplýsingar.
Menntastoðir eru kenndar samkvæmt námskrá Fræðslumiðstöðvar atvinnulífsins og eru 60 einingar á 2.þrepi íslenska hæfnirammans um menntun. Hægt er að meta námið til framhaldsskólaeininga.
Pantaðu viðtal hjá náms- og starfsráðgjafa áður en þú skráir þig í námið til að kanna þína möguleika
Nánari upplýsingar
Sjá myndbönd um Menntastoðir:
Inntökuskilyrði
að vera 20 ára eða eldri og hafa ekki lokið framhaldsskólaprófi
Námsmat
Unnið er samkvæmt hugmyndum um leiðsagnarmat. Námsárangur og námsframvinda nemenda er metin jafnt og þétt á fjölbreyttan hátt, til dæmis með símati, verkefnavinnu og virkri þátttöku nemenda.
Lokapróf (í stærðfræði, íslensku og ensku) eru tekin í Mími eða á öðrum stað sem samið er um við verkefnastjóra.
80% mætingarskylda er í Menntastoðum staðnámi.
Kennslustaður
Höfðabakki 9, 110 Reykjavík / Fjarnám
Styrkir/niðurgreiðslur
Átt þú rétt á styrk frá stéttarfélagi eða Vinnumálastofnun til að sækja nám hjá Mími? Hafðu samband við þitt stéttarfélag eða þinn ráðgjafa og kannaðu málið.
Fræðslusjóðir stéttarfélaganna niðurgreiða námið allt að 90%. Nauðsynlegt er að greiða fyrir námið fyrst og framvísa svo frumriti af reikningi til viðkomandi stéttarfélags til að fá endurgreiðsluna.
Stundatafla/kennslufyrirkomulag
Boðið er upp á staðnám eða fjarnám.
Verð
226.500 kr. Námið er niðurgreitt af Fræðslusjóði.
Eðlileg námsframvinda eru 2 annir. Ef nemendur dreifa náminu á lengri tíma greiða þeir fyrir þá stöku áfanga sem að eftir eru auk skráningargjalds ef að hlé verður á námi.
Verð á námsleiðum er birt með fyrirvara um breytingar
Spurt og svarað?
Hvenær hefst námið?
Nám í Menntastoðum fer af stað á hverri önn svo lengi sem skráning er nægjanleg. Haustönn byrjar í ágúst og vorönn í janúar.
Hvenær útskrifast nemendur?
Formleg útskrift er tvisvar á ári, í desember og júní.
Ef ég klára Menntastoðir, kemst ég þá í háskóla?
Þau sem útskrifast úr Menntastoðum geta sótt um nám í undirbúningsdeildum háskólanna Bifröst, HR og Keili.
