Um námið

Menntastoðir er vinsæl námsbraut sem hefur veitt fjölda fólks ný tækifæri í námi. Fólk er vel undirbúið í náminu fyrir áframhaldandi nám. Þau sem ljúka Menntastoðum geta sótt um í undirbúningsdeildir háskólanna, það er Keili, HR, Bifröst eða iðn- og tækninám.

Á vorönn 2025 verður boðið upp á:

  • Staðnám – námið tekið á einni önn
  • Staðnám – 2ja anna. Námið tekið á tveimur önnum

Hvar

Staðnám er kennt í Mími, Höfðabakka 9. Reykjavík.

Hvenær dagsins

Kennt er frá 8:30-15:30 alla virka daga.

Námsgreinar

Smellið á námsgreinar til að fá nánari upplýsingar.

Styrkur

Átt þú rétt á styrk frá stéttarfélagi eða Vinnumálastofnun til að sækja nám hjá Mími?

Hér neðar eru tenglar á vefsíður þar sem nálgast má upplýsingar um styrki. Athugið að listinn er ekki tæmandi.

Kannaðu málið!

Inntökuskilyrði

a. að vera 18 ára eða eldri og hafa ekki lokið framhaldsskólaprófi

eða

b. að hafa undirritað námssamning hjá Vinnumálastofnun

Námsmat

Unnið er samkvæmt hugmyndum um leiðsagnarmat. Námsárangur og námsframvinda nemenda er metin jafnt og þétt alla önnina með fjölbreyttum verkefnum og stuttum könnunum.

Kennslustaður

Höfðabakki 9, 110 Reykjavík

Styrkir/niðurgreiðslur

Fræðslusjóðir stéttarfélaganna niðurgreiða námið allt að 90%. Nauðsynlegt er að greiða fyrir námið fyrst og framvísa svo frumriti af reikningi til viðkomandi stéttarfélags til að fá endurgreiðsluna.

Stundatafla/kennslufyrirkomulag

Kennt er frá 8:30-15:30 alla virka daga.

Verð

200.000 kr. Námið er niðurgreitt af Fræðslusjóði.

Um greiðslu námskeiðsgjalda

Verð á námsleiðum er birt með fyrirvara um breytingar

Spurt og svarað

Hvenær hefst námið?

Nám í Menntastoðum fer af stað á hverri önn svo lengi sem skráning er nægjanleg. Á haustin byrja hópar í ágúst en á vorönn í janúar.

Hvenær útskrifast nemendur?

Formleg útskrift er tvisvar á ári, í desember og júní.

Ef ég klára Menntastoðir, kemst ég þá í háskóla?

Þeir sem útskrifast úr Menntastoðum geta sótt um nám í frumgreinadeildir háskólanna.

Hvað margar einingar eru í Menntastoðum?

Menntastoðir eru kenndar samkvæmt námskrá Fræðslumiðstöðvar atvinnulífsins. Mennta – og menningarmálaráðuneytið hefur samþykkt að meta megi námið til framhaldsskólaeininga.

Hver er verkefnastjóri námsins

María Stefanía Stefánsdóttir - sjá nánar hér.

Flokkar: Námsbrautir
María Stefanía Stefánsdóttir
María Stefanía Stefánsdóttir
náms-og starfsráðgjafi / verkefnastjóri

.