Skólastarf hjá Mími í ljósi COVID-19

English below

Eins og fram hefur komið í fréttum hefur verið lýst yfir neyðarstigi almannavarna vegna COVID-19. Mímir fylgir tilmælum almannavarna hvað varðar viðbrögð og undirbýr næstu skref.

Skólastarf í takti við neyðarstig almannavarna

Hjá Mími er unnið hörðum höndum að því að tryggja að starfsemi skólans geti haldið áfram eins og kostur er, jafnvel þótt yfirvöld ákveði að boða tímabundna lokun skóla og/eða samkomubann. Unnið er eftir þeim skyldum sem fræðsluaðilar hafa á neyðarstigi almannavarna skv. landsáætlun sóttvarnarlæknis og ríkislögreglustjóra, landsáætlun sóttvarnarlæknis og ríkislögreglustjóra en þar segir m.a: 

• Skólar munu halda uppi starfsemi eins lengi og unnt er.
• Markmið er að starfsmenn skóla haldi áfram störfum þó nemendur eða starfsfólk sé sent heim vegna sóttvarnaráðstafana.
• Skipuleggja hlutverk kennara í fjarkennslu og heimanámi.
• Skrá sérstaklega fjarvistir nemenda og starfsmanna vegna viðkomandi veikinda.
• Hugað verði að því að nemendum í brotthvarfshættu bjóðist stuðningur námsráðgjafa þar sem því verður við komið.

Unnið samkvæmt viðbragðsáætlun

Skipuð hefur verið neyðarstjórn í samræmi við leiðbeiningar almannavarna sem vinnur skv. viðbragðsáætlun Mímis vegna heimsfaraldurs inflúensu sem er aðgengileg á vef Mímis, www.mimir.is.

Skólahald heldur áfram

Unnið er að því að nýta í auknum mæli fjarskiptatækni við nám, kennslu, ráðgjöf og raunfærnimat til að tryggja áframhaldandi skólastarf og munu kennarar og verkefnastjórar hjá Mími upplýsa nemendur sína um stöðu mála. Kappkostað verður að halda húsnæði Mímis opnu svo kennarar geti nýtt aðstöðu ásamt tækjum og tólum til að hafa samskipti við nemendur og/eða kenna í fjarnámi. Náms- og starfsráðgjöf og raunfærnimat fer einnig fram að mestu leyti í gegnum fjarfundarbúnað.

Tilkynna um smit og sóttkví

Við brýnum fyrir starfsfólki, kennurum og nemendum að tilkynna til öryggisvarðar Mímis, Anneyjar Þórunnar Þorvaldsdóttur anney@mimir.is, ef einhver innan skólans greinist með COVID-19 og/eða þarf að fara í sóttkví. 

Ef flensueinkenni

Einstaklingar með flensueinkenni eru vinsamlegast beðnir um að sækja ekki í húsnæði Mímis vegna smithættu og hafa samband við heilsugæsluna sína ef þeir finna fyrir flensueinkennum sem lýst er á vef Landlæknis. Þá er einstaklingum með áhættuþætti fyrir alvarlegri sýkingu COVID-19 bent á að hafa samband við öryggisvörð Mímis. 

Áhersla á smitvarnir

Við minnum alla á mikilvægi smitvarna og þær ráðstafanir sem Mímir hefur gert varðandi smitvarnir og aðgengi að þeim (fjölgun sprittstöðva, upplýsingaveggspjöld, sótthreinsun á helstu smitleiðum í húsi). Kennarar hafa jafnframt verið beðnir um að greina frá og ítreka þessar upplýsingar fyrir nemendum sínum, auk þess að búa þá undir mögulegar breytingar á kennsluháttum; að staðbundin kennsla geti færst yfir í fjarkennslu eða sjálfsnám.

 Fyrirspurnir og ábendingar

Við hvetjum alla til að fylgjast vel með framgangi mála í fréttum og ef nýjar upplýsingar berast sem hafa áhrif á skólastarfið setjum við tilkynningu um það á vefmiðla skólans. Allar fyrirspurnir og ábendingar sendist öryggisverði Mímis, anney@mimir.is