Líf og heilsa - lífsstílsþjálfun

Um námskeiðið

Líf og heilsa – lífsstílsþjálfun er námskeið fyrir þá sem vilja taka ábyrgð á eigin heilsu með því að tileinka sér hollt mataræði, stunda fjölbreytta hreyfingu og læra um helstu áhrifaþætti góðrar heilsu.

Á námskeiðinu læra þátttakendur um líkamlega- og andlega heilsu, markmiðasetningu, hreyfingu og heilbrigt mataræði ásamt því að stunda létta líkamsrækt eins og yoga og göngu undir handleiðslu fagfólks. Þátttakendum verður boðið upp á heilsufarsmælingu við upphaf og lok námskeiðs til að meta og kanna heilsufarslega stöðu sína.

Kennsla og leiðsögn verður öll í höndum fagfólks á sínu sviði.

Námskeiðið er fyrst og fremst hugsað sem forvörn og hvatning til bættrar heilsu en getur einnig nýst fólki með heilsufarsvanda á borð við háan blóðþrýsting, hátt kólesteról eða sykursýki af gerð tvö.

Skipulag námsins tekur mið af þörfum foreldra leik- og grunnskólabarna og lýkur öllum kennslustundum kl 15.45.

Uppbygging náms

Námið er 60 klst með leiðbeinanda, en gert er ráð fyrir vinnuframlagi nemenda án leiðbeinanda yfir námstímann í lífstílsþjálfun.

Kennt er 2 x í viku eftir hádegi frá 12:45 – 15:45

Athugið að til að ljúka námsbrautinni þarf að uppfylla 80% mætingu.

Námsgreinar

• Andleg heilsa og markmiðasetning
• Heilsulæsi, skráning og mat.
• Fjölbreytt hreyfing.
• Heilbrigt mataræði og næring.
• Styrkur