Leikskólaliða- og stuðningsfulltrúabrú

Næst í boði á haustönn 2026

Vinnur þú í leik- eða grunnskóla og vilt efla þig í leik og starfi?

Leikskólaliða- og stuðningsfulltrúabrú er sérsniðin námsbraut fyrir þá sem starfa með börnum á leik- og grunnskólastigi. Námið er hagnýtt, tengt skólastarfi og kennt með það að leiðarljósi að styrkja þátttakendur í núverandi eða framtíðarhlutverkum innan skólakerfisins.

Í náminu öðlast nemandinn:

• Dýpri skilning á þroska og þörfum barna
• Innsýn í mikilvægi leiks í námi og þroska
• Þjálfun í áhrifaríkum samskiptum og samstarfi
• Sterkari fagvitund og aukið sjálfstraust

Að námi loknu útskrifast þátttakendur sem leikskólaliðar og stuðningsfulltrúar með viðurkennda menntun sem nýtist beint í starfi og styrkir stöðu þeirra til framtíðar.

Námið er 66 framhaldsskólaeining og er kennt samkvæmt aðalnámskrá framhaldsskóla.

Ertu nú þegar með reynslu úr starfi í leik- eða grunnskóla? Þá geturðu mögulega fengið hluta námsins metinn í gegnum raunfærnimat!

Hafðu samband við náms- og starfsráðgjafa Mímis til að skoða þín tækifæri 

Panta viðtal

Fyrir hverja?

Námið er ætlað starfsfólki leik- og grunnskóla sem vilja efla sig faglega.

Námið er ætlað einstaklingum sem

• Hafa náð 22 ára aldri
• Eru með a.m.k. þriggja ára starfsreynslu á leik- eða grunnskóla
• Hafa lokið 140 klst. starfstengdum námskeiðum

Hagnýtar upplýsingar

Námið fer fram í blönduðu fjar- og staðnámi með stuðningi reyndra kennara. Einn áfangi er kenndur í einu, sem gerir námið sveigjanlegt og auðveldara að samræma það við fjölskyldulíf og starf. Kennt er einn laugardag í mánuði á milli 9-15 í húsnæði Mímis að Höfðabakka 9 og 2-3 mánudagskvöld í mánuði frá 17:00-21:00 á Teams. Nemendur hlusta á fyrirlestra heima, taka þátt í umræðum á netinu og vinna verkefni á milli tíma.

Nemendur taka virkan þátt í umræðum og verkefnavinnu og fá reglulega endurgjöf sem styður við persónulega og faglega þróun.