Sigurvegari í samkeppni Mímis Mitt orð – Mín íslenska hefur nú verið valinn. Samkeppnin var haldin með það að markmiði að vekja athygli á íslenskri tungu og þeirri sterku persónulegu merkingu sem hún hefur fyrir fólk í daglegu lífi. Þátttakan var afar góð og bárust fjölmörg falleg, persónuleg og áhrifarík framlög.
Sigurvegarinn í samkeppni Mímis Mitt orð – Mín íslenska er Oliwia Majdanska!
Valið var byggt á frumleika, skýrum skilaboðum og persónulegri tengingu við valið orð. Framlag sigurvegarans skar sig úr fyrir einlægni og einstaka framsetningu.
Sigurvegarinn fær í verðlaun eitt íslenskunámskeið, að eigin vali, sér að kostnaðarlausu. Oliwia Majdanska er vinsamlegast beðin um að hafa samband við Mími sem fyrst til að taka við verðlaununum.
Við hjá Mími erum afar þakklát fyrir fallegu framlögin sem bárust frá Innu Sydorova, Victoriu frá Ungverjalandi, Radical Victory og Tanyu Harkusha. Þau sýna skýrt hversu lifandi og mikilvæg íslenskan er fyrir fólk með ólíkan bakgrunn.
Verkefnið Mitt orð – Mín íslenska er vettvangur þar sem fólk fær að deila eigin tengingu við íslenskuna — sem nýju máli, vinnumáli eða hjartamáli. Við hjá Mími þökkum öllum þátttakendum kærlega fyrir þátttökuna og fyrir að leggja sitt af mörkum til að styrkja stöðu íslenskrar tungu í samfélaginu.
