08. nóvember, 2021
Kæru nemendur og kennarar
Í ljósi fjölgunar Covid smita undanfarna daga voru hertari innanlandsaðgerðir kynntar síðastliðinn föstudag. Í þeim felst meðal annars að grímuskylda hefur verið tekin upp að nýju þar sem ekki er hægt að viðhafa 1 m fjarlægðarreglu.
Eftirfarandi sóttvarnarreglur gilda í húsnæði Mímis:
- Grímuskylda er í öllum sameiginlegum rýmum þar sem ekki er hægt að við hana 1 m fjarlægðarreglu.
- Grímuskylda er inni í kennslustofum á meðan ekki er setið við borð.
- Viðhalda skal stífum persónubundnum sóttvörnum á meðan dvalið er í húsnæði Mímis.
- Ef þú ert með kvefeinkenni eða Covid-lík einkenni þá skaltu ekki mæta í húsnæði Mímis.
- Sótthreinsivökvi og sótthreinsiklútar eru aðgengilegir í húsnæði Mímis.
Mikilvægt er því að fylgjast vel með tilkynningum/upplýsingum sem birtast á upplýsingasíðu Mímis um Covid–19 (https://www.mimir.is/is/covid-19 ) og sendar eru út í gegnum Innu.