Menntastoðir
Taktu upp þráðinn hjá okkur!
Menntastoðir er vinsæl námsbraut sem hefur veitt fjölda fólks ný tækifæri í námi. Námið er fyrir einstaklinga, 18 ára og eldri. Þeir sem ljúka námi í Menntastoðum með tilskyldum árangri geta sótt um í undirbúningsdeildir háskólanna, Keili, HR og Bifröst.
Kynntu þér þá möguleika sem eru í boði:
Menntastoðir staðnám
Staðnám þar sem nemendur ljúka námi á einni önn.
Kennt er frá 8:30-15:30 alla virka daga.
Sjá meira
Fjarnám
Námið samanstendur af sex sjö vikna lotum og eru kenndar tvær námsgreinar í hverri lotu ásamt námstækni. Nemendur ljúka námi á tveimur önnum.
Sjá meira
Blandað stað- og fjarnám á tveimur önnum
Kennt er tvo virka eftirmiðdaga í viku frá klukkan 16:35 til 19:50 (þriðjudaga og fimmtudaga) og annan hvern laugardag frá klukkan 9:00 til 13:45. Fyrsti laugardagur er 31.ágúst 2024. Námið er tvær annir.
Námsgreinar
Smellið á námsgreinar til að fá nánari upplýsingar.
Menntastoðir eru kenndar samkvæmt námskrá Fræðslumiðstöðvar atvinnulífsins. Mennta – og menningarmálaráðuneytið hefur samþykkt að meta megi námið til framhaldsskólaeininga. Námið er niðurgreitt af Fræðslusjóði.
Pantaðu viðtal hjá náms- og starfsráðgjafa áður en þú skráir þig í námið til að kanna þína möguleika
Nánari upplýsingar
Alma Guðrún Frímannsdóttir. Sími 580-1800. Netfang: alma@mimir.is
Sjá myndbönd um Menntastoðir:
Inntökuskilyrði
Allir sem eru 18 ára eða eldri og hafa ekki lokið framhaldsskólaprófi geta sótt um Menntastoðir
Námsmat
Símat, verkefnaskil, 80% mætingarskylda og virk þátttaka.
Kennslustaður
Höfðabakki 9, 110 Reykjavík
Styrkir/niðurgreiðslur
Fræðslusjóðir stéttarfélaganna niðurgreiða námið allt að 90%. Nauðsynlegt er að greiða fyrir námið fyrst og framvísa svo frumriti af reikningi til viðkomandi stéttarfélags til að fá endurgreiðsluna.
VMST greiðir 75% af námskeiðsgjaldi en aldrei meira en 80 þúsund krónur á ári.
Stundatafla/kennslufyrirkomulag
Boðið er upp á staðnám, staðnámslotur, fjarnám og blandað fjarnám
Verð
*200.000
*Ath. verð getur breyst um áramót
Spurt og svarað?
Hvenær hefst námið?
Nám í Menntastoðum fer af stað á hverri önn svo lengi sem skráning sé nægjanleg. Á haustin byrja hópar í ágúst en á vorönn í janúar.
Hvenær útskrifast nemendur?
Formleg útskrift er tvisvar á ári, í desember og júní.
Ef ég klára Menntastoðir, kemst ég þá í háskóla?
Þeir sem útskrifast úr Menntastoðum geta sótt um nám í frumgreinadeildum háskólanna.
