Þetta námskeið er fullbókað

Skráning á biðlista er á netfanginu margret@mimir.is

Um námskeiðið

Námið er ætlað þeim sem vinna á leikskólum, eru eldri en 20 ára og hafa ekki lokið formlegu framhaldsskólanámi. Tilgangur námsins er að auðvelda námsmönnum að takast á við verkefni sem þeim eru falin í starfi, efla sjálfstraust þeirra og lífsleikni og stuðla að jákvæðu viðhorfi til áframhaldandi náms. Námið er niðurgreitt af Fræðslusjóði og kennt samkvæmt námskrá vottaðri af Menntamálastofnun.

Námskeiðið er kennt á íslensku. Til þess að geta tekið þátt í námskeiðinu er mælst til þess að þátttakendur séu a.m.k. á stigi A2-B1 skv. evrópska tungumálarammanum.

Sjá hér: https://www.rannis.is/media/islenskukennsla/Evropski-tungumalaramminn.pdf

Umsækjendum þessa námskeiðs stendur til boða að taka ókeypis stöðupróf hjá Mími-símenntun áður en sótt er um. Ef áhugi er fyrir hendi, hafið samband við verkefnastjóra námskeiðsins.

Uppbygging náms

Á fagnámskeiðunum er bæði lögð áhersla á námsþætti sem styrkja persónulega og almenna færni t.d. sjálfstyrkingu og samskipti, námstækni, færnimappa og tölvur og svo námsþætti eins og uppeldi leikskólabarna, þroski og þróun leikskólabarna, listastarf með börnum, námsskrá leikskóla, fjölmenningarlegan leikskóla og fleiri.

Kennsla fer fram frá 8:30 – 15:30 mánudaga – föstudaga í Höfðabakka 9. Námskeiðið er 70 klukkustundir og fer fram á 12 kennsludögum.

Námsgreinar

  • Fjölmenningarlegur leikskóli
  • Hreyfiþjálfun leikskólabarna
  • Málþroski barna
  • Námstækni og markmiðasetning
  • Næringarfræði
  • Sjálfsefling og samskipti
  • Tölvuleikni
  • Umhverfismennt
  • Uppeldi leikskólabarna

 

Inntökuskilyrði

Námið er ætlað þeim sem vinna á leikskólum, eru eldri en 20 ára og hafa ekki lokið formlegu framhaldsskólanámi. Heimilt er þó í undantekningartilfellum að taka inn í námið starfsmenn sem eru á aldrinum 18-20 ára ef þeir eru í fullu starfi.

Námsmat

Námsmat byggir á mætingu og virkni í tímum. Nauðsynlegt er að ná 80% mætingu til að teljast hafa lokið námsbrautinni.

Kennslustaður

Höfðabakki 9, 110 Reykjavík

Styrkir/niðurgreiðslur

Stéttarfélög hafa greitt fyrir sína félagsmenn að hluta eða öllu leyti. Vinsamlega leitið upplýsinga hjá ykkar stéttarfélagi.

Stundatafla/kennslufyrirkomulag

Kennsla fer fram frá 8:30-15:30 mánudaga -  föstudaga. Námskeiðið er 70 klukkustundir og fer fram á 12 kennsludögum.

Verð

Almennt verð er 32.000 kr. Verð á námsleiðum er birt með fyrirvara um breytingar

Stéttarfélög hafa greitt fyrir sína félagsmenn að hluta eða öllu leyti. Vinsamlega leitið upplýsinga hjá ykkar stéttarfélagi.

Spurt og svarað

 Eru próf? Nei það eru ekki próf en það er 80 % mætingarskylda.

 Hvenær hefst námið? Fagnámskeið I fer af stað á vorönn svo lengi sem skráning er nægjanleg.

  

 

Flokkar: Námsbrautir
Margrét Erla Björnsdóttir
Margrét Erla Björnsdóttir
Verkefnastjóri

.