MÓTTAKA OG MIÐLUN

Flokkur: Námsbrautir

Móttaka og miðlun

Næstu hópar:

Pólska: 3. -17. maí 2021, kl. 8.20-11.50 (Með fyrirvara um breytingar)

Íslenska: 3. - 17. maí 2021, kl. 12.50-16.10 (Með fyrirvara um breytingar)

Námið er 60 klukkustundir.

Í náminu er fjallað um samskipti og þjónustu, notkun fjölbreyttra aðferða við að miðla upplýsingum, svo sem í gegnum samskiptamiðla og tölvupóst. Einnig er fjallað um orðspor fyrirtækja og traust viðskiptavina. Náminu er ætlað að styrkja starfshæfni og sjálfstraust þátttakenda ásamt því að koma til móts við þarfir atvinnulífsins. 

Hæfniviðmið náms

Námsmaður skal hafa öðlast þekkingu og skilning á:

• Gagnlegum aðferðum í samskiptum og við samstarf.
• Stefnu, starfsumhverfi og reglum á vinnustað.                                                                                                                                            

Námsmaður skal hafa öðlast leikni í að:

• Eiga árangursrík samskipti við viðskiptavini.
• Vinna sjálfstætt eftir skipulagi á vinnustað.
• Nota fjölbreyttar aðferðir við miðlun upplýsinga til viðskiptavina.

Námsmaður skal geta hagnýtt sér þá almennu þekkingu og leikni sem hann hefur aflað sér til að:

• Starfa í samræmi við stefnu fyrirtækisins.
• Tileinka sér vandaða miðlun upplýsinga.
• Tryggja að meðferð persónuupplýsinga sé í samræmi við reglur fyrirtækisins og gildandi lög.
• Vera fyrirmynd annarra þegar kemur að verndun orðspors fyrirtækja.

Móttaka og miðlun er kennt samkvæmt námskrá sem gefin var út af Fræðslumiðstöð atvinnulífsins og vottuð af Menntamálastofnun. Námið er á 2. þrepi hæfniramma um íslenska menntun og mögulegt er að meta til 3 framhaldsskólaeininga.

Námið er niðurgreitt af Fræðslusjóði.

Nánari upplýsingar

Rut Magnúsdóttir. Sími 580-1800. Netfang: rut@mimir.is