Fagnámskeið I í umönnun

Flokkur: Námsbrautir

Fagnámskeið I í umönnun

ATH. Skráning fer fram hjá Eflingu, efling@efling.is eða í síma 510-7500

Fyrir aðra en félagsmenn Eflingar: sendið póst á mimir@mimir.is

Næsta námskeið er 5. október - 7. desember.

Kennsla fer fram þriðjudaga, miðvikudaga og fimmtudaga kl. 12:40 – 16:00

Fagnámskeiðin eru haldin í samstarfi Mímis símenntunar og Eflingar. Þau eru ætluð þeim sem aðstoða, annast um eða hlynna að sjúkum, fötluðum og öldruðum á einkaheimilum eða stofnunum. Einnig þeim sem aðstoða skjólstæðinga við innkaup, þrif og persónulega umhirðu. Þetta eru tvö námskeið sem eru samanlagt 190 klukkustundir. Annars vegar Fagnámskeið I (95 klukkustundir) og hins vegar Fagnámskeið II (95 klukkustundir). Þátttakendur þurfa að ljúka fyrra námskeiðinu til þess að halda áfram á því seinna. Á fagnámskeiðunum er lögð áhersla á námsþætti sem nýtast starfsmanninum í starfi og einkalífi. Meðal námsþátta á fagnámskeiðunum eru: aðstoð og umönnun, skyndihjálp, sjálfstyrking og samskipti, líkamsbeiting og fleira. 

 Markmið eru að námsmaður: 

• auki færni sína í námsþáttum fagnámskeiðsins. 
• hafi jákvæð viðhorf til áframhaldandi náms. 
• bæti sjálfsöryggi sitt og auki færni sína í samskiptum við aðra. 
• auki færni sína til að þekkja og tjá tilfinningar sínar, bera virðingu fyrir tilfinningum annarra
• noti og notfæri sér gagnrýni uppbyggilega.
• auki færni sína til að setja markmið og vinna markvissar.
• efli með sér frumkvæði og framtakssemi. 
• þekki starfsskyldur sínar og kröfur sem gerðar eru til starfsmanna. 
• geti greint árangursþætti í starfi sínu og metið frammistöðu sína. hafi mætt í a. m. k. 80% kennslustunda á fagnámskeiðinu.

Fagnámskeiðin eru undanfari náms í Félagsliðabrú.