Dyravarðanámskeið kennt á íslensku

English

Um námskeiðið

Námskeið fyrir dyraverði er unnið í samstarfi við Reykjavíkurborg og Lögregluna á höfuðborgarsvæðinu. Námskeiðið er ætlað starfandi dyravörðum og/eða þeim sem hyggjast starfa við dyravörslu. Þá hentar námskeiðið einnig starfsfólki hótela og veitingahúsa sem t.d. vinna næturvaktir. Námskeiðið er starfstengt og er ætlað að efla þátttakendur í starfi. Að námskeiði loknu geta þátttakendur sótt um dyravarðaskírteini sem Lögreglan á höfuðborgarsvæðinu gefur út, skírteinið gildir í þrjú ár. 

Námsgreinar

• Ábyrgð og hlutverk dyravarða
• Fyrsta hjálp
• Fjölmenning
• Kynning á neyðarmóttöku fyrir þolendur kynferðisofbeldis
• Brunavarnir og sjálfsvörn

Uppbygging náms

Kennt er þrisvar í viku eftir kl. 17:00

Dyravarðaskírteini 

Sótt er um dyravarðaskírteini á rafrænu formi .  Hægt er að sækja um dyravarðaskírteini til þriggja ára áður en námskeið hefst og verður það þá afhent við námskeiðslok.  

Til að ljúka námskeiðinu þarf að ná minnst 80% mætingu. 

Til viðbótar við námskeiðið þarf að uppfylla eftirfarandi skilyrði til að geta sótt um skírteini:

• Vera að minnsta kosti 20 ára
• Hafa ekki gerst sekir/ar um ofbeldis- eða fíkniiefnabrot á síðastliðnum fimm árum. 

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?

Kannaðu málið!