Flokkur: Námsbrautir

Að lesa og skrifa á íslensku fyrir arabískumælandi

 

Fyrri hluti -  tímabil: 2 x í viku í 10 vikur frá miðjum september 2021,  kl: 17:10-19:20, nemendur fá sms um upphafsdag. 

Seinni hluti verður á vorönn 2022 (10 vikur, 2 x í viku frá miðjum janúar). 

Höfðabakki 9, 110 Reykjavík

40 klukkustundir á haustönn og 40 klukkustundir vorönn 2022

Námskeiðið er grunnur í íslensku fyrir nemendur sem þurfa að fara hægt yfir námsefnið. Lestur, ritun (einnig á lyklaborð) og tal eru þjálfuð með kennara sem talar mál hópsins (arabíska í þetta sinn).

Kennsluaðferðir eru fjölbreyttar og námsefni af vefmiðlum verður nýtt.

Á námskeiðinu læra nemendur íslenska stafrófið og þjálfa framburð, læra grunnorðaforða daglegs máls og einfalda setningagerð. Þeir læra að segja frá sjálfum sér og spyrja og svara einföldum spurningum. Innsýn í íslenskt samfélag er fléttuð inn í námið. Nemendur æfa tal, skilning, lestur og ritun einfaldra setninga með áherslu á talþjálfun með fjölbreyttum kennsluaðferðum.

Þjálfun í að nota tölvur er hluti af námskeiðinu. Með því er er átt við að nemendur noti  tölvur til að skrifa einföld orð og upplýsingar um sjálf sig, og æfi sig í að opna gagnlegar vefsíður og nota „öpp“ sem komi að gagni í náminu eða daglegu lífi.

Mjög einföld málfræði er kynnt í tengslum við námsefnið. Námskrá menntamálaráðuneytis um nám í íslensku fyrir útlendinga er höfð til hliðsjónar við val námsþátta. Í lok námskeiðs er staða nemenda metin og þeim ráðlagt um áframhaldandi íslenskunám.

Verð: 30.000 krónur

Nánari upplýsingar: Vala Valdimarsdóttir, sími 580-1800, vala@mimir.is

 

haustönn 2021