Fréttir

Mímir fer í sumarleyfi þann 5. júlí nk og opnar aftur 26. júlí.

„Á heildina litið var árið 2020 farsælt í starfsemi Mímis. Nemendastundum fjölgaði á milli ára þrátt fyrir þá gríðarlega óvissu sem ríkti um rekstur og starfsemi Mímis vegna heimsfaraldurs kórónaveiru“, segir Sólveig Hildur Björnsdóttir, framkvæmdastjóri Mímis í ársskýrslu félagsins 2020 sem hún kynnti á aðalfundi félagsins sem haldinn var með rafrænum hætti föstudaginn 28. maí síðast liðinn.

Mímir, í samstarfi við Hannes Hilmarsson, hefur gefið út rafræna handbók sem ber heitið Að lesa stærðfræði - sjálfsstyrking fyrir nemendur í stærðfræði. Markmið handbókarinnar er fyrst og fremst að greiða veg nemenda í framhaldsfræðslunni gagnvart stærðfræði og veita nemendum sjálfstraust til að takast á helstu hindranir á námsferlinum. Fræðslusjóður styrkti verkefnið.

Alls luku 20 nemendur fagnámskeiði 2 fyrir starfsmenn leikskóla.

Nítján nemendur úr Menntastoðum í fjarnámi útskrifuðust þann 10. júní sl.

Fjölmargir hagaðilar komu saman í dag og tóku þátt í að greina bæði innra og ytra umhverfi Mímis varðandi íslenskunámskeið fyrir útlendinga en greiningin er hluti af heildarendurskoðun á námi og kennslu í íslensku sem öðru máli hjá Mími.

Þann 2. júní útskrifuðust 18 nemendur úr fagnámskeiði 1 fyrir starfsmenn leikskóla.