Próf í íslensku vegna umsókna um íslenskan ríkisborgararétt

Fyllsta öryggis var gætt og allar sóttvarnir virtar við fyrirlögn prófanna í öðruvísi árferði en vant er

Það er mikið líf í húsinu þessa dagana en einnig smá taugatitringur þar sem um 230 manns heimsækja Mími þessa vikuna til að taka íslenskupróf vegna umsókna um íslenskan ríkisborgararétt. Prófið er þrískipt: hlustun, skriflegt og munnlegt og hefur heilt yfir gengið mjög vel. Fyrirlögn prófanna var krefjandi við núverandi aðstæður en  allir hafa staðið saman um að láta hlutina ganga vel fyrir sig.

Árið 2017 gerði Mímir þriggja ára samstarfssamning við Menntamálastofnun um framkvæmd íslenskuprófa vegna umsókna um íslenskan ríkisborgararétt. Tvær prófalotur fara fram á hverju ári og fara prófin að þessu sinni fram í húsakynnum Mímis í Höfðabakka en einnig hjá Símey á Akureyri.