Skóli fyrir innflytjendur
Vilt þú læra íslensku og efla stöðu þína á vinnumarkaði?
Landnemaskólinn er sérstaklega sniðinn að þörfum innflytjenda á Íslandi sem langar að styrkja stöðu sína í íslensku samfélagi. Námið er 120 kennslustundir.
Forkröfur
Skólinn er ætlaður fólki sem hefur lokið að minnsta kosti 180 stundum í íslensku eða hefur sambærilega kunnáttu.
Markmið
- Að auka færni í talaðri og ritaðri íslensku
- Að auka færni til að taka þátt í íslensku samfélagi
- Að auka færni í samskiptum og samvinnu
- Að kynnast ólíkum stofnunum og opinberri þjónustu
- Að kynnast þáttum í sögu og menningu Íslendinga
- Að þjálfast í tölvuvinnslu
- Að gera góða færnimöppu og ferilskrá
Námsgreinar
- Íslenska
- Samfélagsfræðsla
- Sjálfstyrking
- Tölvuvinnsla
- Færnimappa
Mikil samheldni myndast gjarnan í Landnemaskólanum meðal nemenda og er unnið sérstaklega að því að efla sjálfstraust fólks í að tala og skrifa íslensku. Talæfingar, frásagnir nemenda, ritun og grunnreglur í málfræði eru meðal viðfangsefna í íslensku. Vettvangsferðir á söfn og opinberar stofnanir, Íslandssaga, réttindi og skyldur einstaklinga er meðal viðfangsefna í samfélagsfræðslu. Áhersla er lögð á gerð ferilskráar og færnimöppu með námsráðgjafa. Leikhúsferð er ávallt stór þáttur í Landnemaskólanum. Þar er starfsemi leikhússins kynnt og unnið með verkið fyrir og eftir sýningu.
Námsgreinarnar eru samtvinnaðar í lokin við gerð Landnemablaðsins sem er lokaverkefni Landnemaskólans. Allir nemendurnir vinna saman að gerð blaðsins.
Verð
Verð námskeiðsins er 21.000 kr. Fræðslumiðstöð atvinnulífsins niðurgreiðir nemendagjöld í Landnemaskólanum. Hægt er að sækja um niðurgreiðslu á nemendagjaldi í fræðslusjóð stéttarfélags. Kennt er eftir námsskrá Fræðslumiðstöðvar atvinnulífsins.
Nánari upplýsingar
Selma Kristjánsdóttir
Sími: 580 1828
selma@mimir.is