Grunnstoðir

Áttu erfitt með lestur og skrift en langar að takast á við krefjandi nám?

Þá gætu Grunnstoðir hentað þér. Grunnstoðir eru ætlaðar einstaklingum, 20 ára og eldri, sem hafa stutta skólagöngu að baki.  Námið er 395 kennslustundir, þar af 40 stundir í einkatímum hjá Davis lesblinduráðgjafa.

Markmið

• Að  verða betri í lestri og skrift
• Að nýta Davis tæknina í áframhaldandi námi
• Að byggja upp grunn í íslensku, ensku, stærðfræði og tölvum
• Að auka sjálfstraust til náms
• Að þjálfa sjálfstæð vinnubrögð
• Að styrkja stöðu á vinnumarkaði

Námsgreinar

• Sjálfsstyrking
• Davis lesblinduþjálfun
• Íslenska
• Enska
• Stærðfræði
• Tölvu- og upplýsingatækni
• Framsögn og tjáning
• Náms- og starfsráðgjöf
• Færnimappa

Engin lokapróf eru tekin en námsmat fer fram með verkefnavinnu, æfingum og símati. Mennta- og menningarmálaráðuneytið hefur samþykkt að meta megi námið til framhaldsskólaeininga.
 

Kennslufyrirkomulag
Kennt er á dagtíma frá mánudegi til föstudags, fimm kennslustundir í senn. Davis lesblinduþjálfunin fer fram allan daginn í fimm virka daga. Kennt  eftir námsskrá frá Fræðslumiðstöð atvinnulífsins

Verð
Fræðslumiðstöð atvinnulífsins niðurgreiðir námið svo hlutur nemenda í námsgjöldum er 115.000 krónur. Hægt er að sækja um styrk vegna námskeiðsgjalds til fræðslusjóða stéttarfélaga.


Nánari upplýsingar
Rósa Steinunn Jónsdóttir
Sími 580 1800
rosa@mimir.is