Raunfærnimat - Leikskólaliðabrú

Hefur þú unnið á leikskóla í 5 ár eða lengur?  Ertu orðin/n 25 ára?  Hefur þú ekki lokið formlegu námi á framhaldsskólastigi?

Í raunfærnimati fyrir starfsmenn leikskóla er lagt mat á reynslu og þekkingu í samanburði við námskrá leikskólaliða.

Leikskólaliðabrú er hagnýtt 30 eininga nám sem miðar að því að styrkja starfsmenn við umönnun, uppeldi og /eða menntun barna á leikskólaaldri. Nemendur útskrifast sem leikskólaliðar.

Þátttakendur í raunfærnimati fá staðfestingu á matinu og þeim, sem þess óska, er boðið að taka áfanga sem upp á vantar til að ljúka námsleiðinni. Matið getur leitt til styttingar náms á Leikskólaliðabrú hjá Mími-símenntun og Borgarholtsskóla. Nánari upplýsingar um námsbrautina má finna á www.mimir.is og www.bhs.is