Haustönn 2010

Undirstöðuatriði við máltöku, sníðagerð og saum á fatnaði. Stutt yfirlit um textílhráefni og fatasöguna. Þátttakendur vinna með eigin hugmyndir að fatnaði í formi tískuteikninga. Námskeiðið er ætlað byrjendum og þeim sem eru reynslulitlir við saumaskap. Þátttakendur þurfa að hafa meðferðis sína eigin saumavél. Í fyrsta tíma þurfa nemendur að hafa meðferðis eftirfarandi: saumavél, og leiðbeiningarbók saumavélar, títiprjóna, málband, pappírskæri, sniðblað og sníðapappír, blýant, reglustriku (30 cm) tvinna, sníðaskæri, sprettuhníf, fatakrít, sniðkalkipappír, sniðhjól, saumnál, nálapúða og saumavélanálar.