Jarðlagnatækninámið er 300 stunda nám ætlað öllum þeim sem starfa við jarðlagnir og jarðvinnu, hvort sem þeir starfa hjá orkuveitum, sveitarfélögum, fjarskiptafyrirtækjum eða hjá verktökum.

Námsgreinar eru m.a. lagnir og lagnaefni, jarðvegsfræði, plastsuða, tæringarfræði, efnisfræði, vélfræði, rafmagnsfræði og tölvur, ásamt almennum greinum. Að námi loknu fá nemendur viðurkenningu á því að hafa lokið Jarðlagnatækninámi, skyndihjálparnámskeiði og plastsuðunámskeiði.

Þann 26. nóvember n.k. útskrifast tveir hópar af Fagnámskeiði 1, fyrir starfsmenn í heilbrigðis -og félagsþjónustu, sem vinna við umönnun og aðhlynningu aldraðra og fatlaðra. Um er að ræða 96 stunda námskeið sem samanstendur m.a. af heilbrigðisfræði, næringarfræði, samskiptum, siðfræði og fleiri þáttum sem nýtast í starfi og einkalífi.

Fimmtudaginn 12. nóvember s.l. útskrifaðist fyrsti gjaldkerahópurinn  úr verkefninu raunfærnimat bankamanna. Um er að ræða samstarfsverkefni Samtaka starfsmanna fjármálafyrirtækja (SSF), bankanna, Fræðslumiðstöðvar atvinnulífsins (FA) og Mímis- símenntunar sem sér um framkvæmdina.

Sagt er að tungumálið sé lykill að hverju samfélagi og um leið mikilvægasta tækið sem útlendingar geta nýtt sér til þess að verða virkir þátttakendur í samfélaginu.

Dagur íslenskrar tungu hefur verið haldinn hátíðlegur á fæðingardegi Jónasar Hallgrímssonar, þann 16. nóvember, síðan árið 1996 en á þessu degi beinist athygli þjóðarinnar að stöðu tungunnar, gildi hennar fyrir þjóðarvitund og alla menningu.